France President-in PM a ruat

France President thar Emmanuel Macron chuan prime minister thar atan conservative Edouard Philippe a ruat.

Edouard Philipp (46) hi trained lawyer niin Le Havre mayor nilai a ni a, kum 2012 aṭang khan conservative lawmaker a ni. Thawhṭanni khan rinawmna thu tiam tira lakluh nghal a ni.

France ram hmarlam, Rouen khuaa piang, Philippe hian Socialist party aṭangin politics a khel ṭan a ni. State nuclear group Areva-ah kum 2007 - 2010 inkar khan public affairs director a ni.

Tun ṭum hi President-in a party ni lo aṭanga prime minister tur a ruat ṭum khatna a ni. Prime Minister hi president hnuai chiahah awmin, sorkar ministry hrang hrang a kaihruai dawn a, ramchhung inrelbawlna pawh a kutah a awm ang. Minister thar tur list pawh vawiin hian puan a ni bawk ang.