Myanmar-in July 15 thleng inkhuah- khirhna pawtsei

Myanmar sorkar chuan Covid-19 avanga inkhuahkhirhna a kalpui mek chu July 15 thleng a pawtsei.

Sorkar thuchhuak hi Myanmar national-level Central Committee on Prevention, Control and Treatment on COVID-19 chuan kar kal ta Inrinni khan a puang a, khawtlangah hri kai an pun loh nana invenna leh inkhuahkhirhna hi kalpui a la ṭul tih thuchhuah chuan a tarlang. 

Khuahkhirhna ṭhenkhat chu hlih chhunzawm zel a ni dawn a; factory, workshop leh hotel-te chu hawn phal a ni tawh a, mahse mi panga aia tam punkhawm chu khap zui a la ni. Mipui pun­khawmna lam chi reng reng khap tlat a la ni bawk. 

Myanmar-ah hian Covid-19 kai mi 296 an awm tawh a, heng zinga mi 216 chu enkawl dam tawh niin, mi 6-in he hri hi an thihpui tawh a ni. Yangon region social affairs minister Naing Ngan Lin chuan hri leng hi a ziaawm hma chu mipuite him zawk nan punkhawm leh inkhuahkhirhna hi la pawhsei a nih thu a sawi.