President candidate aṭangin Iran vice president inhnukdawk

Iran President thlanna neih tura candidate zing ami, Vice President nilai Eshaq Jahangiri chuan a inhnuhdawh thu Thawhlehni khan a sawi a, President ṭanglai Hassan Rouhani chu a thlawp dawn tih a sawi.

Jahangiri chuan thuchhuah siamin, candidate aṭanga a inhnuhdawh thu leh, amah thlawptute pawh Rouhani vote vek turin a ngen. Rouhani chuan inthlanah hian hnehna a chan ngei a beisei thu te, an ram dinhmun siamṭhat a beisei thute a tarlang. Rouhani a tlin ngei theih nan a theihtawpa a puih tur thu a sawi bawk.

Thawhṭanni khan candidate zing ami, conservative Mayor Mohammad Baqer Qalibaf pawh a lo inhnuhdawk tawh bawk a, Qalibaf hian conservative candi­date dang Ebrahim Raisi a thlawp dawn tih a sawi.

Iran President thar tur hi May 19 hian thlan a ni dawn a, chuh tuma hming pe lut hi a tirah mi 1,636 an awm. Mahse an zinga paruk chauh president chauh chuh thei tura qualify an awm a ni.