US-ah dan loa pem lut man zat an pung
US President Donald Trump-a’n thuneihna a chan hnuah, an rama dan loa pem lut man zat chu 40% velin a pung niin, official report chuan a tarlang.
Nilaini kha Immigration and Customs Enforcement (ICE) acting director Thomas Homan chuan man zat hi tichhuakin, president tharin campaign lai aṭanga a lo aupui tawh, immigration chungchang ngaih pawimawh a tum a, chu chu a taka kalpui zel a ni tih a tarlang.
Kumin January 22 aṭanga April thleng khan US-a dan loa pem lut, an ram lama thawn let tura man zat chu mi 41,300 an tling a, he hi nikum-a hemi hunchhunga an man zat aiin 38%-in an tam zawk a ni.
President Trump chuan, US-a ram dang mi lut, pawikhawihnaa inhnamhnawih avanga thiam loh chantir tawhte chu thawn kir tur zingah hian ngaihven hmasak an ni dawn tih a lo sawi tawh. Mahse kumina thawn kir zingah hian criminal record nei lo mi 11,000 vel an tel a ni.
ICE hotu Thoman Homan chuan dan loa lut man an pun chhan chu President Trump-a hnuaiah immigration engrocement thuam chakin hna thawk theia dah an nih vang a ni, a ti. An hna chu dan kenkawh a ni tih sawiin, hei hi a takin an thawk mek tih a sawi.