Jerusalem-ah US embassy sawn tum lo

US President Donald Trump chuan campaign laia alo intiam tawhna, Israel-a US embassy Jerusalem-a sawn a nih tur thu a sawi chu a sut dawn niin media report chuan a tarlang.

Israel-a US embassy hi Tel Aviv-ah dah a ni a, President Trump-a’n Jerusalem-a sawn a tum tur thu hi Palestinian lam chuan na takin an sawisel a ni. Palestinian hian ram hran an din hunah Jerusalem hi an khawpuia hman an tum a, hei vang hian US-in Israel khawpui

aṭanga Jerusalem pawmpui a, a embassy sawn a tum hi an dodal a ni.

US Congress chuan Tel Aviv aṭanga Jerusalem-a US embassy sawnna tur, Jerusalem Embassy Act of 1995 chu a lo pass tawh a, mahse US Preident hlui George W Bush, Bill Clinton leh Barack Obama-te chuan a sawn hun tur hi an tikhawtlai zel a ni. Ram dang pawhin Jerusalem hi Israel khawpuiah an pawmpui lo a, hei vang hian Jerusalem-ah hian ramdang embassy dah a awm lo. President Trump pawh hian Jerusalem hi Israel khawpui anga pawm a, embassy sawn pawh hi thil finthlak berah a ngaih rih lo niin report chuan a tarlang.