Trump-Russia inzawmna chhui turin Robert Mueller ruat

US Department of Justice chuan Federal Bureau of Investigation (FBI) hotu hlui Robert Mualler chu, kum 2016-a US president inthlana Russia leh Donald Trump-a team ten inzawmna an nei em tih chhui turin a ruat.

President Trump-a hian sawilawk loa FBI director aṭanga James Comey a ban chungchangah sawisel a tawk nasa hle a, hei bakah hian Comey hnenah Russia a chhui mekna titawp turin a hrilh nia puh a ni bawk.

2016 President thlan dawn khan Russia chuan Trump-a team hi an chak theih nan a pui nia sawi a ni a, mahse an puhna hi President Trump chuan a pha thung. Jutice Department-in hemi chungchang chhui tura a ruat, Robert Mueller hi kum sawm chuang zet FBI hotu hna lo thawk tawh, mi zahkai tak a ni. He hna a thawh lai hian Republican leh Democratic president a hrawn ve ve hman a, party pahnihte pawhin an zah hle.