Italy President-in PM Draghi banna thehluh a hnawl

Italy president Sergio Mattarella chuan prime minister Mario Draghi nen Ningani zana inbiakna an neih hnuah PM banna thehluh chu pawm loin a hnawl tih a puang.

PM Draghi chuan ṭangrual sorkara pawl lianber dawttu, Five Star Movement (M5S)-in thil man sang zel tur venna tura sorkarin relief bill a siam, Senate-ah vote lak tur an boycott avangin PM aṭanga banna hi a thehlut a ni.

Quirinale Palace-a meeting an neih hnua thuchhuah a siamah, President chuan PM Dragi banna thehluh hi a pawm loh thu leh, Draghi chu Parliament-ah thil awmdante sawipui tura a sawm tur thu a tarlang. Karleh Nilainiah Dragi hian Parliament lower house leh Senate-ah thu a sawi ang.

Kum 2021, February-a din, Dragi kaihhruai ṭangruala party ho zingah hian tun hnaia innghirnghona a awm fo a, sorkar relief bill siam chungchanga vote lakah M5S memberte hi an tel ve ta lo a ni. Hei vang hian Dragi pawh hian thawhhona ṭha a awm tawh lo tiin banna a thehluh phah a ni.