Moscow-in chak zawka beihpui thlak a tum

Russia chuan Inrinni liam ta khan Ukraine-a beihpui an thlak mekna hmunah an sipaite chuan chak zawkin hma an la zel dawn tih a sawi.

Tun hnaia rocket leh missile hmanga Russia sipaiten khawpui hrang hrang an beihnaah mi tam tak an thi niin Ukraine chuan a sawi. Rocket hmanga Kharkiv biala Chuhuiv khua beihnaah mi pathum an thi a, an zingah hian pitar kum 70 mi pawh a tel niin regional overnor Oleh Synehubov chuan a tarlang.

Ukraine ram chhim lamaa Nikopol khua chu Russian Grad rocket 50 chuanga kah a ni bawk a, Russia sipaite beihna avang hian ni thum liam ta chhungin he khuaah hian mi 40 an thi a ni.

Russia defence minis­ter Sergei Shoigu chuan an sipaite chu beih­pui an thlak mekna hmun hrang hrangah nasa zawka chet la turin a hrilh.