Sri Lanka President thar thlan hna kalpui ṭan

Sri Lanka Parliament chuan Inrinni aṭang khan an ram President thar thlanna tur a buaipui ṭan.

President aṭanga bang ta, Gotabaya Rajapaksa chuan an ram economy tlakchhiat avanga mipuite lungawi lohna nasa taka an lantir hnuah ram dangah tlanchhiain, a tlanchhiatna ram aṭang hian banna a thehlut.

Parliament speaker Mahinda Yapa Abeywar­dena chuan hruaitu thar thlanna hi langtlang taka kalpuiin, kar khat chhunga zawhfel tum a nih thu a sawi.

Prime minister Ranil Wickremesinghe chu Zirtawpni liam ta khan President lailawk atana lakluh niin, Parliament-in kum 2024-a a term tawp tur Gotabaya Rajapaksa thlaktu tur an thlan hma zawng chu he hna hi a chelh dawn a ni.

Hetih lai hian Sri Lanka-a mipui lungawi lote chuan Prime Minister pawh hi inhnukdawk turin an phut tel bawk. President thar chuan Wickremesinghe thlaktu hi a ruat thei dawn a ni.