Thla li hnuah UN Security Council meeting neih a ni

United Nations Security Council chuan thla li hnuah dan pangngai angin meeting an nei leh thei a, Thawhlehni khan UN headquarters New York-ah an nei a ni. Meeting kaihruaitu Germany UN ambassador Christoph Heusgen chuan invenna hrang hrang nen UN palaite hi an kalkhawm theih thu a sawi. Security Council Cham­ber-ah niloin Economic and Social Council Chamber-ah meeting hi neih a ni a, a hmun an thlak chhan hi midang hlata awm (social distancing) dan zawm a nih theihna atan tih a ni. 

Kal khawmte hian hmai tuamna an vuah deuh vek bawk a, New York-a kal thei lote chuan video tele­conference hmangin mee­ting hi an chhim. Meeting-ah hian annual report, UN Mission to Support the Hodeidah Agreement leh youth, peace and security lama resolution pawm a ni.