Saudi Arabia-ah Trump a zin

US President Donald Trump chu ni hnih cham turi Inrinni khan Saudi Arabia ramah a zin a, president a nih hnua ram danga a zin chhuah ṭum khatna a ni.

President Trump hi Saudi lal, King Salman chuan an ram khawpui, Riyadh-ah alo hmuak a, Inrinni vek khan ram pahnihte insumdawn tawnna tur, dollar tluklehdingaw 350 hu inremna an ziak nghal a ni.Inremna ziah zingah hian US-in arms deal a siam tawh zinga lian ber pawh a tel.

Saudi Arabia-a a cham chhung hian President Trump hian sorkar mi pawimawh hrang hrangte a kawm dawn a, firfiak pawl do letna kawnga thawhdun dante a sawipui ang. Saudi Arabia aṭang hian Israel a pan ang a, hemi hnuah Pope hmu turin Vatican-ah a kal leh ang. President Trump hian Belgium khawpui, Brussels-a Nato summit, May 25-a neih tur a hmang dawn a, May 26-a Siciliy, Italy-a G7 members meeting-ah a tel bawk ang.