SAfrica-ah kawngzawh huaihawt

South Africa rama hmei­chhia leh naupangte chunga tharum thawhna thleng ṭhin duh lohna lantirin, kar kalta Inrinni khan kawngzawh huaihawt a ni a, kawngzawhnaa tel tam zawk chu mipa an ni.

Kawngzawh huaihawttu zing ami Kholofelo Masha chuan, hmeichhia leh naupangte kutthlak, mipat hmeichhiatna lam hawia khawih leh thah an nihṭhinnaah mipate chuan an mawhphurhnaah an lak a, pawikhawihna thleng ṭhin tibo tura ṭan an lak a ngaih thu a sawi. South Africa hi mipat hmeichhiat lam hawia pawikhawihna thlen tamna ber zing ami niin, nikum khan thubuai 64,000 ziah luh a ni.

Inrinni-a kawngzawhah hian hmeichhe ṭhenkhat, thawmhnaw var veka inthuamten hma an hruai a, kawngzawhnaa tel zinga tel ṭhenkhat chuan an kawppuite kut tuara thi hmeichhe hming chuanna thu ziakte an keng lang bawk.