Venezuela-a nawrh huai­hawtnaah mi pakhat hal

Venezuela President Nicolas Maduro leh a kaihhruai sorkar bang­a tura phutin eptuten

nawrh an huaihawt chhunzawm zel a, hetih­lai hian President chuan nawrh huaihawtten sor­kar thlawptu mi pakhat an hal niin a sawi.

Eptuten nawrh an huai­hawt hi kar kalta Inrinni kha a ni 50 na a ni a, hemi pual hian ramchhung khawpui hrang hrangah kawngzawh huaihawt leh a ni.

President Maduro chuan an ram khawpui, Caracas-a nawrh huai­hawta pungkhawmten sorkar thlawptu mi pakhat an hal a, a taksa 80% vel a kang a ni, a ti. Official-te chuan hal a nih hma hian chema vih a ni bawk niin an sawi.

Hemi ni vek hian eptu zinga pakhat chu silaia kahhlum a ni bawk a, nawrh huaihawt kaihhnawiha thi hi mi 48 an tling tawh a ni. Attorney general chuan Valera khuaa nawrh huaihawtna hmun chu silai kengten an pawng kah tih an sawi a, mi pakhat a thih bakah mi dang pahnihin hliam an tuar a ni.