Gambia President hluiin sorkar sum dollar maktaduai 50 ru
Gambia President hlui Yahya Jammeh chuan kumin January thlaa an ram a chhuahsan khan sorkar sum dollar maktaduai 50 ve a ru niin, justice minister chuan a sawi.
Jammeh hian president aṭanga paihthlak a nih hnuah state telecom company kaltlangin sorkar sum tam tham tak hi a lachhuak nia sawi a ni.
Gambia court chuan an ram chhunga President hlui Jammeh-a thil neihte chu khawih chet theih lohin a dahsak tawh a ni.
Kum 22 zet thuneihna a chan hnuah, nikum December thlaa inthlanah khan Jammeh hi a chak zo lo a, mahse hun eng emaw chen a thuneihna hi a hlanchhawng duh lo a, ramdangten nawra sipaite an tirhluh hnuah chauh thuneihna hlanchhawn hi a remti a ni.
January thla khan Jameh hian an ram hi a chhuahsan a, a chhuah rual hian luxury car leh bungrua dang eng emaw zat a lachhuak tel a ni. Interior Minister Mai Ahmad Fatty chuan Jammeh-a thil lakchhuah hi dollar matkaduai 11 hu vel niin a sawi a, mahse Thawhṭanni khan Jutice Minister Abubacarr Tambadouchuan Jammed hian kum 2006-2016 inkar khan a mimal hman turin sorkar sum dollar maktaduai 50 a la chhuak tih a sawi leh a ni.
Tambadou chuan Jammeh nena inzawmna nei, mimal 88 leh company 14 account chu khawih chet theih loha dahsak an nih thu a sawi. Hei bakah hian car leh in leh ram eng emaw zat pawh man a ni tawh bawk.