Mediterranean-ah raltlan mi 1,000 tangkhang

Libya ram aṭanga kal, raltlan 1,000 vel chu Mediterranean-ah an tangkhang a, an zinga mi tam tak chu chhanchhuah an ni tawh.

Thawhlehni khan chhanchhuah hna thawk tur hian Italian Coast Guard lawng lian pali tirh an ni a, heng lawngte hi UN Save the Children, SOS Mediterranean leh German NGO Jugent Rettet lawngten an zawm ve leh a ni.

SOS Mediterranean chuan mi 700 vel chu him taka chhanchhuah an nih thu leh, vaukam lamah hruai an nih tawh thu a sawi a, an zingah hian naupang tam tak an tel a ni, a ti.