Manchester beitu hming puang

Machester police-te chuan Thawhlehni zana Mancheter Arena-a thihchilh bomb tipuaktu chu kum 22 mi, Salman Abedi a nih thu an puang. Bomb puakah hian mi 22 an thi a ni.

Salman Abedi hi Manchester-a piang niin, a nu leh pate hi Libya mi ve ve an ni a, Colonel Gaddafi thah a nih hnuah khan an tlanchhia a ni. Abedi hian Salford Unversity-ah lehkha a zir ṭhin a, mahse zir chhuak loin a bansan a ni. A nu leh pate hi Libya ramah an kir leh tawh a, ani pawh hian UK hi a chhuahsan a, mahse ni rei vak lo hnuah khan a rawn kir leh nia hriat a ni.

Police-te chuan pawikhawihnaah hian thurualpui a nei em tih an chhui mek a, rinhlelh thilah mi pakhat kum 23 mi chu thu zawhfiah tura man a ni. Islamic State (IS) firfiak pawl chuan Manchester-a pawikhawihna thleng hi an pawl member pakhat tih niin a lo puang tawh bawk.

Thawhlehni zan khan Manchester Arena beihnaa thi te sunna hi Albert Square-ah hman a ni.