WHO hotu thar atan Adhanom thlang

UN health agency, World Health Organization (WHO) Director-General thar atan Ethiopia health minister leh foreign minister hlui Tedros Adhanom thlan a ni.

Kum 52 mi, Adhanom hi Geneva-a 70th World Health Assembly (WHA)-ah hruaitu thar atan thlan a ni a, kum 2007aṭanga he dinhmun lo luahtu Margaret Chan-i a thlak dawn a ni.

Adhanom hi kum 2012-2016 chhung khan Ethiopia foreign minister a ni a, 2005-2012 khan health minister a ni. Board of the Global Fund to Fight AIDS, Tuberculosis and Malaria leh Roll Back Malaria Partnership Board-ah chairman a ni a, Board of the Partnership for Maternal, Newborn and Child Health-ah co-chair a ni bawk.

WHO hotu thlan thar hian July 1 aṭangin a hna thar hi a zawm ang.