NATO-in anti-ISIL coalition zawm dawn
North Atlantic Treaty Organisation (NATO) member ramte chuan US kaihhruai ṭangrual ramten Syria leh Iraq-a Islamic State of Iraq and the Levant (ISIL) firfiak pawl an beih mekna chu an zawm ve dawn nia sawi a ni.
Nimin khan NATO hruaitute hian meeting an nei a, he hunah hian NATO-a thuneitu sang ber North Atlantic Council-in thuthlukna a siam chungchang hi official-a an puan rin a ni. NATO member ram 28 te hi a hran ṭheuhin IS firfiakte beihnaah hian an tel tawh a, mahse an pawl hming ang hian an la tel lo a ni. US President Donald Trump chuan NATO member-te chu IS firfiakte beih letna kawnga na zawka tha thawh turin a lo nawr tawh a ni.