Nepal PM a bang

Nepal Prime Minister Pushpa Kumar Dahal chuan Nilaini khan PM a nihna aṭanga banna a thehlut.

Pushpa Kumar Dahal hi thla kaw kalta khan PM atan lakluh a ni. Thuneihna insem tura Nepali Congress Party nena inremna an lo siam tawh angin, PM aṭang hian a la ban ngei rin ni mah se, rinlawk aiin a bang hma a ni. Mahse eptu pawl, Communist UML party chuan sorkarin local leh municipal body a din dan chu dan kalh nia sawiin, parliament-a Dahal-a thu sawi tur pawh dansakah an lo vau tawh a ni.

Dahal-a kaihhruai sorkar leh Supreme Court hotu chu tun hnaiah police hotu thar ruat chung­changah an intithiam lo hle.

Tun ṭum hi Dahal-an banna a thehluh ṭum khatna a ni lo a, kum 2008 khan Dahal hian army chief aṭanga a ban tawh pre­sident-in a dah let leh avanga lungawi loin a lo bang tawh bawk a ni.

PM a ban tak avangin kum 27 chhunga Nepal sorkar 25-na tur a ding leh dawn a ni. Nepali Congress Party hotu, kum 70 mi Sher Bahadur Deuba chuan Dahal hi a thlak dawn a, hruaitu thar thlan a nih hma chuan caretaker prime minister hna a lo chelh rih ang. Sorkar siam­tu party-te hian thla kaw danah prime minsiter inthlak hi an lo rel tawh a ni.