FBI-in Donald Trump-a makpa chhui chiang

Federal Bureau of Investigation (FBI) chuan US President Donald Trump-a makpa, Jared Kushner chu nikum Deceber thlaa Russia ambassador leh Russian banker te a hmuh chungchangah an chhui chiang mek.

Jared Kushner hi White House senior adviser a ni mek a, nikuma US president thlan dawna Trump campaign team leh Russia inzawmna neih dante chhui niin, Kushner hi an mi chhui zinga White House official awm chhun a ni rih.

Official-te chuan Kushner hi chhui a nih avang hian thil dik lo tia rinhlelh a ni kher lo a, thubuai pawh siamsak tum a ni lo tih an sawi. Kushner-a ukil, Jamie Gorelick chuan Kushmer hian FBI te hi an thil chhuinaah theihtawpa a puih tur thu a sawi. Public record-a a lan danin Kushner hian nikum khan US-a Russia ambassador Sergey Kislyak chu ṭum khat a hmu a, mahse Congress hnenah pawh an meeting neih chungchang hi a hrilh vek tur thu a lo sawi tawh a, thildangah pawh a ṭul a nih chuan a sawi tur thu a lo tarlang tawh a ni.