Sri Lanka-a tuilian leh leiminah mi 23 thi

Sri Lanka rama ruahsur nasa tak avanga tuilian leh leimin thleng­ah mi 23 an thi a, chin hriat lohin mi 50 chuang an awm.

Ni hnih chhung nasa taka ruah a sur hnuin Ningani zan leh nimin zing khan hmun hrang hrangah lei a min niin Disaster Management Center chuan a sawi. Leiminin a hnawl mi 11 ruang chu lakchhuah an ni tawh.

Ruahsur nasa vang hian chhim lam biala khualzinte tlawh nasat, Galle leh Matara district-ah pawh tui a lian bawk. Kaltura district-a chirh tawlhin chenna in leh dawr eng emaw zat a chhilh bawk niin report chuan a tarlang.

Tuilian tuarte chhanchhuah hna thawk tur hian sorkar chuan navy 100 chuang leh lawng 20 a tirchhuak. Thuneitute chuan hmun hniam lama cheng, tuipui bul hnaihah awmte chu tui a len zel a hlauhawm vangin hmun him lama insaseng turin an hriattir.

Ruahsur nasa leh tuilian vang hian Sabaragamuwa province-a school zawng zawng chu khar an ni bawk.