US-in missile enchhin dawn

North Korea-in missile a enchhin fo chhan letna kawng khat atan, US chuan tunkar hian a missile defence test neih a tum.

Pentagon chuan Thawhlehni-ah khawmuapui dang kap pha, intercontinental-range missile thlawk lai kap thla thei, missile chi khat enchin a ni dawn tih a sawi. He missile hi Marshall thliarkar aṭanga kahchhuah a ni ang.

Intercontinental missile defence system hmang hian California aṭanga missile pakhat kahchhuah chu lo kahthlak an tum dawn a ni. He missile hi ICBM entawna siam a ni a, missile dang aia chakin a thlawk thei dawn a ni. US sipaiten ICBM missile ang chi kah thlak nana hetiang missile an hman chhin vawi khatna tur a ni ang.

Hetihlai hian US President Donald Trump leh Japan Prime Minister Shinzo Abe-te chuan North Korea-in nuclear weapon leh ballistic missile programme a kalpui chhunzawm zel avangin hrekna na zawk siam an remti. G7 summit hmanga kal, ram hruaitu pahnihte hi summit neih hmain an inkawm a, North Korae chungchang an sawidun a ni.