Tillerson-a’n Ramadan reception-a tel tura sawmna a hnar

US Secretary of State Rex Tillerson chuan Muslim thla serh, Ramadan thla tawpna puala inkhawm buatsaih kaihruai tura sawmna chu a hnar.

Administration official-te chuan a hmaa US Secretary of State lo ni tawh panga-te’n an tihdan phunga an lo neih tawh chu zawm loin, State Department-a Office of Religiin and Global Affairs-in Ramadan thla tawpna, Eid ul-Fitr puala inkhawm buatsaiha hruai tura a sawmna chu a lo hnar a ni, a ti. A hnar chhan tak hi sawichian a ni lo.

Kum 1999 aṭang khan Republican leh Democratic sorkar Secrtary of State-te chuan Muslim-te hun pawimawh, Ramadan puala chaw nghei tihtawpna Iftar dinner emaw, Eid ul-Fitr reception emaw an hmanpui ṭhin. Ram hrang hranga US ambassador-te pawhin hemi puala inkhawm hi an hmanpui ṭhin a ni.