Myanmar peace conference pawtsei

Myanmar khawpui, Nay Pyi Taw-a 21st Century Pang­long Peace Conference, Second Meeting ni nga awh neih mek chu ni khat dang atan pawhsei a ni. Peace Conference hi nimin kha a tawp ni tur a ni a, mahse vawiinah neih chhunzawm leh turin pawhsei a ni. Conference chhunga thu rel hrang hrangte chu ennawn a nih hnuah Union Peace Dialogue Joint Committee (UPDJC) hnenah thehluh a ni ang a, point pawimawhte chu union agreement-ah telh a ni ang. Sorkar nena inkahhai puannaa la tello, Northern Alliance non-ceasefire signatory helpawl pasarihte chuan Inrinni khan inremna siam loin conference hi an chhuahsan a, mahse in­biakna neih chhunzawm zel erawh chu an remti a ni.

Northern Alliance armed group-te hi State Counselor Aung San Suu Kyi-i chuan lo dangsawngin, Zirtawpni khan meeting a neihpui a ni.

Panglong Peace Conference Second Meeting-ah hian sorkar, parliament, sipai, political party, helpawl leh civil society aiawh mi 1,400 an tel.