Afghanistan-a car bomb puakah mi 18 an thi

Afghanistan khawchhak lam, Khost khuaa mipui bitna laiah car bomb a puak a, mi 18 an thi a, mi dang eng emaw zatin hliam an tuar.

Kar kalta Inrinni-a bomb tipuaktute hian local security guard, Campaign Force-te beih nan bomb hi an tipuak a, civil mi eng emaw zatin an tuar tel a ni. Bomb tihpuahna hmun hi Chapman Camp-a kal tur, guard ho awmkhawmna bulah a ni. Chapman Camp hi US leh NATO sipaiten Khost khaw daia an din, military base a ni. Eng pawl mahin he pawikhawihna thleng hi an tih niin an la chhal lo.