Philippines sorkarin hel nena inbiakna titawp

Philippines sorkar chuan Communist helpawl nena inremna zawnga inbiakna a neih chu a titawp.

Maoist New People’s Army (NPA) helpawl nena inbiaknaa sorkar aiawhtu, Jesus Dureza chuan darkar 10 zet midang chimbuai loha inbiakna an neih hnuah, inremna an siam theih loh avangin inbiakna kalpui zel chu an tum tawh lo tih Pathianni khan a sawi.

Philippines sorkar leh communist helpawl hian nikum August thla aṭang khan inremna kawng zawngin inbiakna hi an lo nei ṭan tawh a, Pathianni kha ṭum nga an inbiakna a ni.

Hetih lai hian chhim lam bialah Philippines sipai leh Islamic State (IS) firfiak pawl nena inzawm, firfiakte chu an la inbei chhunzawm reng a, kar khat dawn inbei tawhin mi 100 chuang an thi tawh a, an zingah hian civil mi 19 an tel. Inbeihna thleng avang hian President Rodrigo Duterte chuan sipai hnena thuneihna sang pekna, martial law pawh alo puang tawh bawk a ni. Inbeihna thleng vang hian khawchhunga cheng mi tam tak chu hmun him lam panin an tlanchhe tawh a ni.