Greece PM hlui a thi

Greece prime minister hlui Constantine Mitsotakis chu kum 98 mi niin Thawhṭanni khan a thi.

Kum 1918-a piang, Mitsotakis hian kum 2004 khan politics a chawlhsan a, Greece parliament member ni rei ber a ni. Kum 1946 aṭang khan Greece MP a ni a, kum 1967-74 chhunga sipai rorelna hnuaia an awm lai khan chawlin, a hnuah MP a ni chhunzawm leh a, 1990-1993 inkar khan prime minister a ni.

Indopui II hunlai khan Mitsotakis chuan Nazi hoin an rama Crete thliarkar luah an tum chu na takin a lo dodal a ni. Kum 1967 khan sipaiten an man a, mahse Paris-ah tlanchhiain hun eng emaw chen a awm a, Greece democracy tundin thar a nih leh hnu, kum 1974 khan an ramah hian a kir leh a ni.