Australia-in Afghanistan-ah sipai 30 a dah belh leh dawn

Australia chuan Afghanistan security force-te training pe turin sipai a tirh luh belh dawn.

Defence Minister Marise Payne chuan NATO-in a ngen angin sipai hi an tirh belh dawn tih a sawi. Tun thla tir lam khan Prime Minister Malcom Turbull chuan a ṭul dan a zirin Afghanistan-a sipai tirh belh tur hian sorkar chu a inhawng tih a lo sawi tawh a ni.

Nimina thuneituten thuchhuah an siam­ah chuan sipai hi 30 tirh belh an ni dawn a, mahse a hun erawh sawilan a ni lo. Afghanstian-ah hian Australia sipai 270 an awm mek a, Iraq leh Syria-ah 780 an awm bawk. Heng sipaite hian training an pe ṭhin a, aerial strike neihnaah an pui bawk ṭhin. Afghanistan-ah hian NATO sipai 13,000 vel an awm mek a ni.