WHO-in Monkeypox vangin health emergency a puang
World Health Organization (WHO) chuan ram hrang hranga darh chak tak monkeypox vangin global health emergency a puang.
WHO director-general Tedros Adhanom Ghebreyesus chuan Inrinni liam ta khan health emergency hi a puang a ni. Ram 70 chuangah monkeypox hri hi a darh tawh avangin khawvel huapa ngaihven ngai a ni tawh tih a sawi.
WHO chuan he inrinlawkna, “public health emergency of international concern” tia a sawi hian hri leng do let tura khawvel huapa thawhhona neih thuai a ngaih thu tihlanna a ni a,, vaccine leh hri kai enkawl dan chungchanga sum mamawh leh hmalaknaahte thawhhona tur kawng pawh a hawng thei dawn a ni.
Ram hrang hrang sorkarte chu doctor leh damdawi-inah awareness uar zawka kalpui tur leh, hri kai nia rinhlelhte fimkhur taka enkawl a, mipui mimirte hnenah he hri laka an inven theihna tura zirtirna pe ṭha turin a ti bawk.
WHO director-general Tedros Adhanom Ghebreyesus chuan UN health agency-a emergency committee-ah inremna nei thei chiah lo mah se he inrinlawkna hi kenkawh a rel tlang a ni.
UN health agency hotuin hetianga thutlukna a siam vawi khatna a ni.
Geneva-a media briefing a neihnaah Tedros chuan health emergency-a puan tur thu hi tichiangin, committee zingah hian he dan thlawp paruk leh thlawp lo mi pakua an awm.