US-in hlawhtling takin missile defence sytem enchhin

US ballistic missile-defence system chu Thawhlehni khan California-a Vandenberg Air Force Base aṭangin hlawhtling taka kahchhuah a ni.

Vice Admiral Jim Syring chuan Pacific Ocean chunga enchhin tura ralthuam kahchhuah chu missile defence system hian lo manin alo kapchhia tih a sawi. An system enchhin chu a hlawhtling hle tih a sawi a, he system hi an ram venhimna atana thil pawimawh tak a nih thu a sawi.

Thawhlehnia missile defence system enchhin hi hlawhtling hle mah se, indo a thlen thulah he system hian North Korea-in intercontinental-range missile a kah­chhuah alo dang thei dawn em tih erawh sawilan tel a ni lo. North Korea hian America ram kap pha tur missile siam tumin a bei mek nia sawi a ni. North Korea aṭangin US hi km 9,000 (mel 5,500) vel a ni a, ICMB-te hian a tlangpuiin km 5,500 chin an kap pha a, mahse ṭhenkhat erawh chu km 10,000 chin kap thei tura siam an ni.

Ground-based Midcourse Defense (GMD) system hi kum 1999 aṭang khan ṭum 17 enchhin tawhin, ṭum kua chiah a la hlawhtling a, en­chhin a nih hnuhnun ber chu kum 2014 khan a ni.