Tuilian vanga hri leng tur lakah inveng
Sri Lanka sorkar chuan an ramin tuilian vanga natna hri leng thei turte veng turin theihtawp an chhuah dawn tih a sawi.
Health Minister Rajitha Senaratne chuan tui len hnuah hri leng a la awm loh thu a sawi a, mahse tuilenna bialah hian kawṭhalo leh vun natna hri ala len a rinawm thu a sawi. Hei vang hian theih ang tawka lo inven lawk a ni a, tuilenna bial hrang hrnagah healh official-te pawh tirh nghal an ni, a ti.
Sri Lanka rama ruahsur nasa vanga tuilian leh leimin vanga thi hi mi 193 an tling tawh a, chin hriat lohin mi 94 an awm mek bawk.
China, Pakistan leh India chuan tuilian tuarte chhawmdawlna tur hi an lawng hmangin an thawnluh tawh a ni. World Health Organization (WHO) chuan tuilian tuarte hriselna dinhmun endikna leh hmalaknaah Sri Lanka Health Ministry chu a thawhpui mek bawk a ni.