Trump-a’n a ngaihdan puang dawn
US President Donald Trump chuan Paris climate agreement chungchanga a thutlukna chu a puang dawn tih a sawi. Media report chuan Trump hian kum 2015-a ram 196 ten an siam, Paris Accord aṭang hian inhnuhdawh a tum niin an tarlang.
Trump chuan Paris Accord chungchangah hian awmzel duh leh duh lamte thu pawh a ngaihthla tawh tih a sawi. He inremna hi khawvelin carbon gas a siamchhuah tihtlemna tura siam a ni a, mahse US hi a inhnuhdawh chuan inremna siam hian a thawk chak lo sawt dawn a ni. US hi China dawtah khawvela carbon gas siamchhuak nasa ber a ni. Hetih lai hian European Union leh China chuan US hi inhnukdawk mah se he inremna hi chak taka kalpui zel turin an nawr dawn tih a sawi. EU official chuan Paris Agreement aṭang hian US inhnukdawm mah se kalpui zel a ni dawn a ni, a ti.