Brazil President thlanah Bolsonaro-a'n a chuh leh dawn

Brazil president Jair Bolsonaro chuan Pathianni khan President thlan leh turah chuh a tum thu a puang. Hemi rual hian defence minister hlui Walter Souza Braga Netto chu a vice president atan a ruat lawk nghal bawk.

Bolsonaro chuan an rama agricultural sector leh infrastructure tihhmasawnna tura a hnathawhte sawilangin,a kaihhruaina hnuaia highway leh railways lama hmasawnna thlen dante a sawi.

June thlaa Datafolha-in mipui ngaihdan an lakah khan, President hlui Lula da Silva chu President atan duh berin, vote 47% a hmu a, Bolsonaro duhtu hi 28% chauh an ni thung.

October 2-a President thar thlan hunah, Brazil President ni tur hian vote tla aṭanga 50% hmuh phak a ngai dawn a ni. Hemi zat hmu pha an awm loh chuan October 30-ah inthlan thawh hnihna hi neih a ni ang.