Pakistan tuilianin chenna in 50 chuang a hnawl

Pakistan-a Upper Kohistan-a tuilian bawhawk thlengin chenna in 50 vel leh mini-power station a len chhia a ni .

Provincial Disaster Management Authority (PDMA) official-te sawidanin, ruahsur nasa avangin tuilian hi a thleng phut a, Upper Kohistan-a Kandia tehsil-ah chhiatna nasa tak a thlen a ni.

Tehsildar (revenue officer) Muhammad Riaz chuan Upper Kohistan-a tuilian hian chenna in 50 vel a tihchhiat thu sawiin, chhanchhuah leh chhawmdawl hna kalpui turin team pali tirh an ni, a ti. Chhiatna thleng vang hian thi erawh an awm lo nia hriat a ni.

Tuilian hian ranvulh lai ṭhahnem tak a len bawk. Dansh, Berti, Jashoi leh Dangoi khuaa water supply system chu a tichhia a, vanneihthlak takin tuilianin an khua a thlen hmain tualchhung mite chu an lo insaseng hman a ni.