Turin-a innekbuainaah mi 1,000 chuangin hliam tuar

Italy rama Turin khuaah Inrinni zan khan Piazza San Carlo-a inkhel enkhawmna hmunah innekbuaina a thleng a, mi 1,000 chuangin hliam an tuar.

Piazza San Carlo-ah hian Cham­pions League final an enkhawm a, inkhel an en lai hian halpuah hal vangin mipui pungkhawmte chu chiain an innekbuai ta a ni. Halpuah riah hian mipuite chu chiai-in, square aṭanga tlan­chhuah tumin an innek a, a hungna bangte pawh an nekchhia a ni. Hliam tuar ngaihtuahawm zingah mipa naupang kum sarih mi pawh a tel a ni.