UNSC-in NKorea hremna pawt sei

United Nations Security Council chuan UN resolution palzuta North Korea-in missile a enchhin luih zel avangin an ram hremna a siam chu a pawtsei.

North Korea hremna pawtsei hi council member ram 15-te chuan lungrual takin an pawm a, NKorea ram ṭhianṭha UNSC permanent member China pawhin a pawmpui a ni. He thutlukna siam hi UN-in China leh US President Trump-a kaihhruai US sorkar te pawmpuinaa thutlukna a siam hmasak ber a ni.

UN resolution chuan NKorea hian nuclear test leh ballistic missile lam chi a enchhin a khap a, mahse he hrekna hi NKorea chuan vawi tam tak a bawhchhe tawh a ni. Tun hnaiah US President Donald Trump chuan NKorea hi a vau fo tawh a, UN thu a zawm loh chuan sipai chakna leh ralthuam hmanga beihah te a vau a ni.