Trump-a chhui chian phutin kawng zawh

US-a khawpui lian ṭhenkhatah President Donald Trump leh Russia sorkar­in inzawmna an neih leh neih loh chhui chian phutin kar kalta Inrinni khan mi eng emaw zatin kawng an zawh.

Nikum November thlaa US President thlannaah khan Trump a chak theih nan Russia hi a inrawlh nia sawi a ni a, Trump campaign team nen pawh an inbe pawp nia sawi a ni. Mahse an puhnate hi Trump leh Russia chuan an pha thung.

Inrinni-a kawngzawh huaihawt hi ‘March for Truth’ tia vuah a ni a, Congress member, actor leh prog­ressive group hrang hrang­ten an thlawp a ni. Kawng­zawh zinga ṭhenkhat chuan President Trump hian inthlan neihnaah Russia a inrawlh nia puhn chhui tum­na dan a tum niin an sawi a, hei vang hian President a nihna aṭanga paihthlak an phut a ni.

Kawngzawhte hian President leh Russia inzawmna neih dante chhui chiang a, Trump-a chhiah pek zat dik tak puangzar tura nawr turin Congress an phut bawk.