Duterte-a martial law puan khing let

Philippine eptu hruaitute chuan nimin khan Supreme Court-ah President Rodrigo Duterte-a’n an ram chhim lam biala martial law a puan chu hnawlsak turin an ngen a, he thupek siam hi an ram danpui kalh niin an sawi. President Duterte hian chhim lam Mindanao bialah firfiak pawl leh sipaite an inbeih avangin sipai hnena thuneihna sang zawk pekna dan, martial law a puang a ni. Firfiak leh sipaite inbeihna thleng vang hian mi 178 an thi tawh a, an la inbei chhunzawm reng a ni.