EU-in African force tan euro mtd 50 pe dawn

Europrean Union chuan Sahel biala African joint military force tan euro maktaduai 50 pek belh a remti.

African joint force siam thar turah hian Mauritania, Mali, Chad, Burkina Faso leh Niger sipaite an tel dawn a, Sahel G-5 tih an ni ang. An hna ber tur chu Sahel biala firfiakte beih let te, dan loa pem lut leh trafficking network lo vente a ni ang. Sahel hi Islam pawl tam tak, al-Qaida firfiak pawl zawmtute awmna a ni.

Kum 2013 aṭang khan Mali ramah hian France sipai 3,000 leh UN sipai 12,000 dah an ni. Mali hmar lamah hian Islamist leh Tua­reg helho chu inlakhran duhin sorkar lakah an hel a, France leh UN sipaite puihnain helho hi nawr let ni mah se, helte hian UN sipaite hi an la bei let fo a ni. Kum li chhungin sipai 115 chuang an thi tawh a ni.

Niger ramah pawh helhoin pawikhawihna an thlen fo a, Burkina Faso leh Ivory Coast thlengin a nghawng tawh a, ramdang khualzinten beih an tawk fo bawk.

EU foreign policy hotu Federia Mogherini chuan Sahel bialah hian boruak ralmuang a awm theih chuan Africa tan chauh ni lo, Europe ram tan pawh a ṭha a ni, a ti.