Israel sipai beitu Palestinian chenna in tihchhiatsak

Israeli sipaite chuan Thawh­lehni khan Palestinian mi pahnih, April thlaa West Bank-a Israel security guard thattua puhte chenna in chu an tihchhiatsak.

Israel security guard, Vyache­slav Golev chu April 29 khan West Bank-a Juda chenna in luhna bulah kahhlum a ni. Palestinian firfiak pawl, Hamas chuan he pawikhawihna hi an pawl tih a nih thu an sawi.

Pawikhawihtu nia puh, Pales­tinian mi pahnihte chu Israel sipaiten an man a, Thawhlehni khan heng mi pahnihte chenna in, West Bank hmar lama Qarawat bani Hassan khuaa mi chu an tihchhiatsak a ni. Sipaite hian tualchhung mite chuan firebomb leh tire hal hmangin an lo bei let niin an thuchhuahah an tarlang.

Israel hian an mi leh sa thattu, Pales­tinian mite in chu a hma pawh­in a lo tihchhiatsak tawh ṭhin a, hei hi a hnu leh zelah Israel mi an beih tawh lohna tura an vaukhanna a ni.