Brazil President a la dam lo

Brazil President Jair Bolsonaro chuan coronavirus a kai tih hriat chhuah a nih aṭang kar khat  hnu, Nilaini khan a in test leh a, a la positive tih a sawi. 

Facebook aṭanga a live-naah, President chuan hri a la kai thu hi sawiin, ni reilote hnuah an test nawn leh ang a, a dam ṭhat tawh a beisei thu leh, hna pawh pangngaia a thawh chhunzawm theih tawh a beisei thu a sawi. 

Bolsonaro hian July 7 khan Covid-19 a kai thu a puang a, Alvorado Palace-ah a inkhung hrang nghal a ni. Kum 65 mi niin high risk group-ah a awm a ni. President chuan a chenna aṭangin video conference hmangin hna a la thawh chhunzawm zel tur thu a sawi. Damdawi atan malaria damdawi, hydroxychloroquine a la ei chhunzawm zel thu a sawi bawk.