Indonesia-in a thliarkar neih zat chhiar dawn

Indonesia chuan kumin August thlaa United Nations meeting neih huna thehluh hman turin a thliarkar neih zat a chhiar dawn.

Indonesia ram pum zau zawng hi square km maktaduai 1.9 a ni a, thliarkar tam tak awmkhawm niin, heng thliarkar zinga eng emaw zat chu sorkarin a la chhinchhiah loh an nih avangin, thliarkar chhiar hna pawh hi a hautak hle rin a ni.

Kum 2012-a UN Conference on the Standardisation of Geographical Names neihah khan Indonesia sorkar chuan thliarkar enfiah leh hming nei a chhinchhian zat chu 13,466 nia a tarlang. Thliarkar hming hi tualchhung mi pahnih talin an hriat chuan official-a pawm a ni.

Indonesia ramah hian thliarkar tereuhte te a awm tam hle a, an ram khawpui Jakarta bulah pawh thliarkar tam tak awmin hengte hi kartawp chawlh hman nan an hmang ṭhin. Jakarta khawpui chhehvela thliarkar awm zat pawh hi hriat chian a ni lo. 1996 law hnuaiah Indoneisa rama thliarkar awm zat hi 17,508 nia chhinchhiah a ni a, mahse hei pawh hi enfiah vek ni loin, an rin dan zat anga ziah luh a ni. Thliarkar awm hrang hrangte hi UN in a pawmpui chuan, Indonesia hian heng thliarkar hualtu tuipuiah hian thuneihna a nei thei dawn a ni.