TikTok leh Chinese app dang khap turin Trump an nawr
US-a Republican Congressmen 24-te chuan president Donald Trump chu Chinese mobile application-te khap turin an nawr a, khap tura an telh zingah hian tunlaia app lar tak Tiktok pawh a tel.
President Trump hnenah lehkha an thawnah, Chinese Communist Party (CCP) nena inkungkaihna nei nia ngaih, TikTok leh social media platform dangte chu US security tiderthawng thei nia sawiin khap an duh thu an sawi a ni. American mipuite privacy humhimna leh an himna atan khap turin an ngen.
Pakistan-ah pawh mobile phone application, TikTok hi an rama khap tura ngenin Lahore High Court-ah petition thehluh a ni. Pettion thehluhtu hi advocate Nadeem Sarwar a ni a, an ram mipuite aiawhin petition hi a thehlut tih a sawi. Sarwar chaun TikTok chu social media lar leh hriat hlawh nih phah tumna atana thlalak thehdarh nan an hmang nasa tih sawiin, hmang sual tam tak an awm a ni, a ti. Bangladesh leh Malaysia ramah pawh thlalak mawi leh, midangte nuihzatna lam hawi tarlanna atante hman a nih ṭhin avangin khap a lo ni tawh a ni, a ti.