Kar leh aṬangin Cinema hall hawng dawn

Hripui leng vanga China rama cinema hall-te hun rei tak khar an nih hnuah, kar leh Thawhṭanni aṭangin social distancing dan hmang chungin hawn an ni tawh dawn tih thuneitute chuan an sawi. 

China ramah hian ni 10 chhung chu ram chhung aṭanga hri kai hmuh thar an awm tawh lo a, hri kai hmuh pawh ram dang aṭanga lutte an ni. Hei vang hian cinema hall-te pawh hawn a ni thei tawh dawn a, mahse China Film Administration chuan cinema en tura kalte chuan mask an vuah vek a ngaih bakah, an khua a sik leh sik loh pawh endik sak zel an ni dawn tih a tarlang. 

Cinema hall-te chu seat awm zat aṭanga 30% aia tam ticket hralh phalsak a ni dawn lo a, a entute pawh feet thum dana inhlata an awm zel a ngai ang. China rama cinema chain lian ber, Wanda Film chuan hri leng vanga hun rei tak cinema hall-te hawn theih loha an awm avangin, kumin kum chanve chhunga an sum hloh chu yuan tluklehdingawn 1.5 (dollar maktaduai 214) a tling pha dawn niin a sawi.