UNHCR-in Somali ratlan 66,807 hruai kir
UN High Commissioner for Refugees (UNHCR) chuan kum 2014, December thla aṭang khan Somali raltlan 66,807 vel chu Kenya ram aṭangin an hruai kir tawh tih an sawi.
UNHCR chuan report a tihchhuah hnuhnung berah Kenya hmarchhak lama Dadaab refugee camp aṭangin raltlan 65,470 chu Somalia ram thawn haw leh tumin buatsaih mek a ni tih a sawi. May 16-31 inkar khan raltlan 1,620 an thawn haw tih a sawi bawk. Somalia hian kum sawmthum zet tualchhung buaina a neih tawh avangin mi maktaduai hnih chuang chuan an in leh lo an tlanchhiatsan tawh a ni. Heng zinga mi maktaduai khat vel chu an ram chhung hmun dangah tlanchhiain, an ram ṭhenawmah mi nuai kua vel an tlanchhe bawk a ni.