Japan parliament-in lal ban phalna dan pawm

Japan parliament chuan an ram lal, Emperor Akihito-a’n a kum upa tawh avanga lal a nihna aṭanga ban a dil remtihsakna tur dan siam chu a pawm ta.

Emperor Akihito hi nakkum kum tawp lamah a bang dawn a, a aiawh turin a fapa Crown Prince Naruhito chu lal atan hian dah a ni ang. Kum zahnih chhunga Japan lal ṭanglai zinga bang hmasa ber a ni ang.

Akihito hi kum 83 a ni tawh a, a lung zai a nih tawh bakah prostate cancer vanga enkawl mek a ni a, vantlang hmuhah pawh a inlan khat tawh hle. A hriselna dinhmun a ṭhat loh avang leh, a kum upat tawh avangin lal a nihna anga a mawhphurhna te hlenchhuah a harsa sawt hle tih sawiin, lal nihna aṭanga ban mai a duh thu hi a lo sawi tawh a ni.