Russia-in Ukraine power plant lian ber dawttu an la tawh: Ukraine

Ukraine president Volodymyr Zelensky adviser Oleksiy Arestovych chuan Russia sipaite chuan an rama power plant lian ber dawrttu an lak tawh thu a sawi.

Soviet hunlai aṭanga coal hmanga power plant an siamna hmun, Ukraine khawchhak lama awm Vuhlehirsk power plant chu Russia sipaite chuan an la tawh tih Oleksiy Arestovych chuan Nilaini khan a sawi a, Russia lam erawh chuan helai hmun hi a hmain an la tawh niin an lo sawi tawh thung a ni.

Russia chuan southern region-a hmun thum laiah sipai tam tak an dah tih Arestovych chuan sawi bawkin Vuhlehirsk an lak hmang chuan tactical advan­tage tlem an neih belh leh a ni, a ti.

Hetih lai hian Ukraine chuan indo ṭantirh lama Russia-ten an lak, chhim lama Kherson khawpui chu lak let leh tumin an bei mek tih an sawi. Ukraine hian Kherson-a Dnipro lui-a lei pawimawh tak chu a kapchhia a, hei vang hian he lei hi hman theih lohin a awm mek. Mahse Russia official-te chuan lawng hmangin an sipaite chu thawn luh an tum dawn tih an sawi a ni.