Sri Lanka-in state of emergency pawtsei

Sum lama tlakchhiat vanga buai mek, Sri Lanka chuan an rama state of emergency puan mek chu thla khat dang atan a pawtsei.

July 17 kha acting-president a nih laiin Ranil Wickremesinghe chuan state of emergency hi a puan a, he dan hnuaiah sipaite chu harsatna siam zawnga che nia ngaih mipuite man theihna tura thuneihna sang pek an ni a, punkhawm khap a nih bakah sipaite hian mimal inte dap theihna an nei bawk a ni.

Nilaini khan Sri Lanka Parliament-ah chuan emergency pawhsei chungchang hi ngaihtuah a ni a, member 225 zingah member 120-in pawhsei hi an duh a, a duh lo lamah member 63-in an vote a, midang erawh an hai thung. Hei vang hian August 11 thleng emergency hi pawhsei a ni leh ta a ni.

Hetih lai hian mipuite chuan lungawi lohna an la lantir chhunzawm reng a, President thar Wickremesinghe chu President hlui Rajapaksa leh a chhungte humhim tumah puhin, bang turin an nawr chhunzawm ve leh.