Iraqi Parliament-ah duh lohna lantirtute an lut

Iraq Prime Minister tura Mohammed Shia' al-Sudan nominate a nih duh lohna lantirtu, Shiite cleric Moqtada al-Sadrmi thlawptu mi za chuang chu Nilaini khan central Baghdad-a Iraq Parliament building-ah an lut.

Police-te chuan duh lohna lantirtute chu tear gas hmangin hnawh darh an tuma, innek buai erawh a thleng lo thung niin an sawi a, TV channel leh social media platform hrang hrangah duh lohna lantirtu Parliament building-a an lut lai video leh thlalak chu hmuh tur a tam hle.

Iraq Prime Minister Mustafa al-Kadhimi chuan duh lohna lantirtute chu Parliament buidling chhuahsan tura ngenin thu­chhuah a siam nghal a ni.

Shiite parliamentary party-te hnuaia umbrella group 'Coordination Framework'-in Prime Minister ni tura Moham­med Shia' al-Sudani an nominate aṭanga ni hnih hnuah duh lohna lantirtute chu Parliament building-ah hian an lut a ni.