Myanmar-a UN official thlak dawn

United Nations chuan Myanmar rama an official chu an hlak dawn tih an sawi.

Myanmar rama UN top official Renata Lok-Dessallien chu Rohingya Muslim-te dikna chanvo humhalh kawngah a thawk ṭha tawk nia sawi a ni. Mahse UN thupuangtu chuan Lok-Dessallien thlak a nih chhan hi a hnathawh kaihhnawih lam ni loin, official hi thlak kual ṭhin an nih vang zawk tih a sawi.

Nikum khan Rohingya Muslim-te hian Myanmar sipaite kut an tuar a, pawngsual leh kutthlakte tuarin mi tam tak an tlanchhia a, hetiang a thlen lai pawh hian Myanmar-a UN team chuan aw an chhuah lo nia sawi a ni. Lok-Dessalien-i hian Rohingya te chenna bial hi ṭum khat a tlawh a, mahse hemi hnua press conference a neihah journalist-te chu a thusawi lo record a khapsak nia sawi a ni bawk. Myanmar rama human rights hnathawktu eng emaw zat chu meeting pawimawhah koh an ni lo fo bawk.